طبخات رمضان اللذيذه من

[right]
حبيباتي ياكم شهر الخير بخيره وجمعته الحلوه

فحبيت احطلك هلموضوع كل وحده فيكم خل تكتب طبخه سوتها سواء حلو عيوش معكرونه اي شئ سوته وطلع لذيذ حتي الشوربات عفيه ماوصيكم هم فيها إفاده حقنا كل يوم إنوع بلصفره من خير بعض

يالله او لشئ انا ببدأ

اليوم بسويلكم طبق دجاج حده لذيذ يالله نبدأ

أولا
المقادير
1:دجاج منزوع العظم ومقصص
2:ليمونه صفراء
3:ملح
4:فلفل قراش
5:مكعب ماجي
6:دهن
7:بصل
8:كجب
9:فلفل رومي (الفلفل الاخضر البارد)
يالله ابدأ بلطبخ

قصصي الدجاج قطع صغار وغسليهم عدل مدل وعصري على الدجاج الليمون وحطي عليه الملح وخليه شوي وبعدين غسلي الدجاج مره ثانيه
وعقب ماتغسلين الدجاج من الملح والليمون يبي دقوس غراش وحطيه على الدجاج وضيفي بعد مكعب الماجي وخليه هم شوي
حطي بلجدر شوي دهن وحمسي الدجاج والبصل والفلفل الاخضر البارد الي مقطعته وخالصه حمسيهم مع بعض ولمن يستوي الدجاج وذوب البصل والفلفل شوي مو وايد واخيراً ضيفي فوق الدجاج الكجب حسب الكميه الي تبينها